| |
|
|
| |
|
|
| |
Ko para nongshong shnong, |
|
| |
|
|
| |
Ha kane ka jingrakhe ia ka Diwali, kaba dap da ka bor bad ka jingkhmih lynti, nga ai khublei ia phi baroh. Kane ka dei ka Diwali kaba ar hadien ka jingtei ia ka Ram Temple ha Ayodhya. U Blei Shri Ram u hikai ia ngi ban bat ia ka hok bad u ai mynsiem ruh ia ngi ban ialeh pyrshah ia ka jingsniew. Ia ka nuksa jong kane la sakhi ha ki katto katne bnai ba la dep ha ka por jong ka Operation Sindoor. Ha kane ka kam, ka India ka la pynskhem ia ka hok katba ka pynphai kylla ruh haba ka la don ka jingleh sniew. |
|
| |
|
|
| |
Kane ka Diwali ka long kaba kham kyrpang shuh shuh namar, ha ka sien kaba nyngkong, yn pynmeh ïa ki sharak jong ka Diwali ha kiba bun ki distrik bad ki jaka ba jngai jong ka ri—ki thaiñ ha kaba la pynduh pyndam noh syndon ïa ka kam Naxal bad ki lehnoh Maoist. Ha kine ki por ba la dep, ngi la iohi ba bun ki briew ki la iehnoh ia ka jingiaumsnam bad ki la iasoh bad ka roi ka par, da kaba pynskhem biang ia ka jingngeit jong ki ha ka Riti Synshar jong ka Ri India. Kane ka long ka jingjop kaba khraw ia ka ri jong ngi. |
|
| |
|
|
| |
Hapdeng kine ki jingjop ba sah nam, ka ri ka la sdang ruh ia ka juk thymmai jong ki jingpynkylla next generation. Ha ka sngi nyngkong jong ka Navratri, la pyntreikam ia ki bai GST kiba kham duna. Lyngba ka GST Savings Festival, ki nongshong shnong ki pynlang pisa da ki hajar klur tyngka. |
|
| |
|
|
| |
Ha ka por ba ka pyrthei ka iaid lyngba ki jingeh kiba bun jait, ka India ka la mih kum ka dak jong ka jinglong shngain bad ka jingsngewlem. Ha ka por ban wan, ngi la thmu ban long ka ri kaba lai ha ka pyrthei ha ka ïoh ka kot. |
|
| |
|
|
| |
Ha kane ka jingïaid lynti sha ka ri India kaba la kiew shaphrang bad kaba lah ban shaniah ha lade, ka kamram ba hakhmat eh jong ngi kum ki nongshong shnong ka long ban pyndep ïa la ki kamram na ka bynta jong ka ri. |
|
| |
|
|
| |
To ngin pdiang ia ka Swadeshi (ki mar lajong) bad ong da ka jingsarong — “Kane ka dei ka Swadeshi.”
To ngin pynkhlain ia ka mynsiem jong ka Ek Bharat, ka Shreshtha Bharat (Kawei ka India, ka Ri India kaba khraw).
To ngin burom ia kawei pa kawei ka ktien.
To ngin pynneh ia ka jingkhuid jingsuba.
To ngin buh hakhmat eh ia ka koit ka khiah jong ngi — pynduna ia ka jingpyndonkam umphniang ha ki jingbam da 10 percent bad pdiang ia ka yoga ha ka jingim jong ngi.
Kine ki jingpyrshang baroh kin ialam ia ngi kham stet sha ka India kaba la kiew shaphrang
|
|
| |
|
|
| |
Ka Diwali ka hikai ruh ia ngi ba haba kawei ka sharak ka pynmeh ia kawei pat, ka ding kam duna — ka nang kham shai. Da kata ka mynsiem, to ngin pynmeh ia ki sharak jong ka jingiatylli, ka jingiatreilang, bad ka jinglong ba bha ha ka imlang sahlang bad ki sawdong sawkun jong ngi ha kane ka Diwali.
Sa shisien, nga ai khublei ia phi baroh ha kane ka jinglehkmen. |
|
| |
|
|
| |
U jong phi,
Narendra Modi |
|
| |
 |
|
| |
|
|
| |
 |
|
| |
|
|
| |
Pule ia kane ka shiti ha ka ktien ba phi kwah
|
|
| |
|
|
| |
|
|
| |
|
|
| |
|
|
|
| |
