| |
|
|
| |
|
|
| |
ঐগী নুংশিরবা ইরৈচাশিং, |
|
| |
|
|
| |
ইনর্জী অমসুং হরাও-তয়াম্বগা লোয়ননা লাক্লিবা য়াইফরবা দিপাৱলী অসিদা ময়াম পুম্নমকপু ঐহাক্কী মাইকৈদগী য়াইফ-পাউজেল পীজরি। অয়োধ্যাদা রাম মন্দির চাউনা শারবা মতুংগী মসিনা অনিশুবা দীপাৱলী ওইরি। প্রভু শ্রী রামনা ঐখোয়দা ইকাই খুম্নবা ঙাক্না চৎনবা তাকপীরি অমসুং অরানববু থেংননবা তাকপীরি। মসিগী মশক থোকপা খুদম অমা ঐখোয়না থা খরগী মমাংদা ওপরেসন সিন্দুরগী মতমদা উবা ফংখি। ওপরেসন সিন্দুরদা, ভারতনা ইকায় খুম্নবা ঙাক্না চৎখি অমসুং অরানবগী মায়োক্তা লমনসু খুমখি। |
|
| |
|
|
| |
হন্দক্কী দিপাৱলী অসিসু অখন্নবা ওইরি মরমদি, অহানবা ওইনা, দিপাৱলী থাওমৈশিং অসি অরাপ্পা মফমশিংদা য়াওনা, জিলা কয়াদা থানগনি। হায়রিবা জিলাশিং অসি নক্সলিজম অমসুং মাওইস্ত তেরোরিজম মুত্থৎখিবা মফমশিংনি। হৌখিবা নুমিৎ খরনি অসিদা, মীওই কয়ানা হিংসাগী লম্বী থাদোক্তুনা চাউখৎপগী মরুওইবা লম্বীদা চংশিল্লকপা, লৈবাক অসিগী সংবিধানদা থাজবা থম্বা ঐখোয়না উবা ফংখি। মসি লৈবাক অসিগীদমক্তা য়াম্না মরু ওইবা মায় পাকপা অমনি। |
|
| |
|
|
| |
পুৱারী ওইরবা মায় পাকপশিং অসিগী মথক্তা, লৈবাক অসিদা নুমিৎ খরনিগী মমাংদা নেক্স জেনরেসনগী রিফোর্মশিং হৌদোকখ্রে। নবরাত্রিগী অহানবা নুমিৎতা GSTগী হন্থরবা রেৎশিং চৎনহনবা হৌখি। GST সেভিং ফেস্তিবেলগী মনুংদা নাগরিকশিংগীদমক লুপা করোর লিশিং কয়া কনবা ঙমখ্রে। |
|
| |
|
|
| |
মালেম অসিনা অৱাবা কয়া মায়োক্নরিবা অসিদা, ঐখোয়গী ভারত অসি স্তেবিলিতী অমসুং রেসিলিয়েন্স অনিমক্কী খুদম অমা ওইনা থোরক্লি। লাক্কদৌরিবা মতমশিং অসিদা ঐখোয়না মালেমগী খ্বাইদগী চাউবা অহুমশুবা ইকোনোমী ওইগদৌরি। |
|
| |
|
|
| |
চাউখৎলবা অমসুং মশা-মরোমদোম লেপচবা ভারত অমগী মায়কৈদা চংশিল্লিবা খোঙচৎ অসিদা, নাগরিক অমা ওইনা ঐখোয়গী মরুওইবা থৌদাংদি লৈবাক অসিগীদমক্তা ঐখোয়গী থৌদাংশিং অসি মপুং ফানা পাংথোকপনি। |
|
| |
|
|
| |
ঐখোয় স্বদেশীবু থৌগৎসি অমসুং চাউথোকচবগা লোয়ননা ফোংদোকপীয়ু, "মসি স্বদেশীনি।" এক ভারত শ্রেস্থ ভারতকী ৱাখল্লোন অসি ঐখোয়না পুক্নিং থৌগৎলসি। ঐখোয়না লোল খুদিংমকপু ইকায় খুম্নবা উৎলসি। ঐখোয়না লুনানবগী চৎনবী ঙাক্না চৎলসি। ঐখোয়না ঐখোয়গী হকশেলবু মরুওইনা লৌসি। ঐখোয়না ঐখোয়গী চিঞ্জাক্তা য়াওবা থাওগী চাং চাদা 10 হন্থহল্লসি অমসুং য়োগ তৌরসি। হায়রিবা খোঙথাংশিং অসিনা ঐখোয়বু হেন্না থুনা চাউখৎপা ভারত অমগী মায়কৈদা পুরগনি। |
|
| |
|
|
| |
দিপাৱলীনা ঐখোয়দা তাকপীরি মদুদি করিগুম্বা থাওমৈ অমনা অতোপ্পা থাওমৈ অমা চুখৎলবদি, মদুগী মঙাল হন্থরোই অদুবু হেনগৎলকই। হায়রিবা ৱাখল্লোন অসিগা লোয়ননা, দিপাৱলী অসিদা, ঐখোয়না ঐখোয়গী খুন্নাই অমসুং ঐখোয়গী অকোইবদা নুংশি-চান্নবা, মতেং পীনবা অমসুং পোজিতিবিতীগী থাওমৈশিং চুখৎকদবনি।
অমুক্কা হন্না, মঙালগী কুহ্মৈ অসিনা লাকপদা ময়ামগী মফমদা য়াইফ-পাউজেল পীজরি। |
|
| |
|
|
| |
অদোমগী,
নরেন্দ্র মোদী |
|
| |
 |
|
| |
|
|
| |
 |
|
| |
|
|
| |
থী অসি অদোমগী অপাম্বা লোলদা পাবীয়ু
|
|
| |
|
|
| |
|
|
| |
|
|
| |
|
|
|
| |
