हमार प्यारे देशवासी भाई अउर बहिन,           ऊर्जा आ उमंग से भरल ई पावन परब दीपावली के मौका पर रउरा सभे के हमरा ओर से ढेर सारा शुभकामना। अयोध्या में राम मंदिर के भव्य निर्माण के बाद ई दूसरकी दीपावली बा। प्रभु श्रीराम हमनी के सिखवले बानी कि मर्यादा कइसे निभावल जाला, आ साथे ई भी सिखवले बानी कि अन्याय से लड़ल कइसे जाला। ई बात के जीयत-जागत उदाहरण हमनी के कुछ महीना पहिले ऑपरेशन सिंदूर में देखनी जा। ओह ऑपरेशन में भारत मर्यादा के पालन भी कइलस आ अन्याय के बदला भी लिहलस।           ई बार के दीपावली एह खातिर भी खास बा काहे कि देश के कईगो जिलन में, दूर-दराज इलाकन में पहिली बेर दीपावली के दीया जली। ई ऊ जगह आ जिला बा जहां नक्सलवाद आ माओवादी आतंक के जड़ से मिटा दिहल गइल बा। बितला दिनन में हमनी के देखनी जा कि कई लोग हिंसा के राह छोड़के विकास के मुख्यधारा में शामिल भइलन आ संविधान पर आस्था जतवलन। ई देश के बहुत बड़ उपलधि बा।           एही ऐतिहासिक सफलता के बीच कुछ दिन पहिले देश में नेक्स्ट जनरेशन रिफॉर्म्स के भी शुरुआत भइल बा। नवरात्रि के पहिला दिन से जीएसटी के कम दर लागू भइल। जीएसटी बचत उत्सव में देशवासी लोग हजारों करोड़ रुपइया बचा रहल बाड़न।           दुनिया आज कइयक गो संकट से गुजर रहल बा, लेकिन हमनी के भारत स्थिरता आ संवेदनशीलता दूनो के प्रतीक बनके उभरल बा। जल्दिये हमनी दुनिया के तिसरका सबसे बड़ा अर्थव्यवस्था बने जा रहल बानी।           विकसित आ आत्मनिर्भर भारत के ई यात्रा में हमनी सभे के, एक नागरिक के तौर पर, ई प्रमुख कर्तव्य बा कि –           हम देश खातिर आपन जिम्मेदारी निभाईं। हम स्वदेशी अपनाईं आ गर्व से कहीं – “ई स्वदेशी हवे।” हम एक भारत, श्रेष्ठ भारत के भावना के मजबूत करीं। हर भाषा के सम्मान करीं। स्वच्छता के पालन करीं। आपन सेहत के प्राथमिकता दीं। भोजन में तेल के मात्रा 10 प्रतिशत कम करीं आ योग अपनाईं। ई सभे प्रयास हमनी के तेजी से विकसित भारत के राह पर ले जाई।           दीपावली हमनी के ई भी सिखावेला कि जब एक दीप दूसर दीप के जलावेला, तब ओकर प्रकाश घटे ना, बलुक अउरी बढ़ जाला। एही भावना से हमनी के चाहीं कि ई दीपावली पर आपन समाज, आपन आसपास सद्भाव, सहयोग आ सकारात्‍मकता के दीप जलाईं। एक बेर फेरु रउरा सभे के दीप पर्व के ढेर सारा शुभकामना।           राऊर आपन नरेंद्र मोदी                         ई चिट्ठी आपन पसंद के भाषा में पढ़ीं।           English हिंदी ગુજરાતી ଓଡ଼ିଆ ਪੰਜਾਬੀ தமிழ் मराठी తెలుగు বাংলা മലയാളം অসমীয়া ಕನ್ನಡ اردو মণিপুরী नेपाली Khasi भोजपुरी मैथिली                           पीएम मोदी से जुड़ीं।   नवका जानकारी खातिर MyGov पर जाईं।